​វេទិកាសាធារណៈ​ ​និង​ការ​ចុះ​ជួប​ប្រាស្រ័យ​ ដោយផ្ទាល់ជាមួយប្រជាពលរដ្ឋនៅមូលដ្ឋានស្រុកភ្នំស្រុក


ខេត្ត​បន្ទាយមានជ័យ​៖​ ​​នា​ព្រឹ​ក​ថ្ងៃ​ព្រ​ហស្ប​ត៍​ ​៨កើត​ ​ខែ​ស្រាពណ៍​ ​ឆ្នាំកុរ​ ​ឯកស័ក​ ​ព.ស២៥៦៣​ ​ត្រូវ​នឹង​ថ្ងៃទី០៨​ ​ខែសីហា​ ​ឆ្នាំ២០១៩​ ​ស្ថិត​ក្នុង​បរិវេណ​វត្ត​កណ្ដាល​ ​ទីរួមស្រុក​ភ្នំស្រុក​ ​ខេត្ត​បន្ទាយមានជ័យ​ ​បាន​រៀបចំ​វេទិកាសាធារណៈ​ ​និង​ការ​ចុះ​ជួប​ប្រាស្រ័យ​ ​ដោយ​ផ្ទាល់​ជាមួយ​ប្រជាពលរដ្ឋ​ ​នៅ​មូលដ្ឋាន​ស្រុក​ភ្នំស្រុក​ ​ក្រោម​អធិបតីភាព​ ​ឯកឧត្តម​ ​ខេង​ ​ស៊ុម​ ​ប្រធាន​ក្រុមប្រឹក្សា​ខេត្ត​ ​ឯកឧត្តម​ ​អ៊ុំ​ ​រាត្រី​ ​អភិបាល​ ​នៃ​គណៈ​អភិបាលខេត្ត​ ​ឯកឧត្តម​ ​សេរី​ ​បណ្ឌិត​ ​រដ្ឋលេខាធិការ​ក្រសួងធនធានទឹក​ ​និងឧតុនិយម​ ​ឯកឧត្តម​ ​សៅ​ ​នី​ ​ទីប្រឹក្សា​រាជរដ្ឋាភិបាល​
​លោកជំទាវ​ ​ប៉ុក​ ​ណា​ឌី​ ​អភិបាលរងខេត្ត​ ​ព្រមទាំង​មានការ​អញ្ជើញ​ចូលរួម​ពី​ឯកឧត្តម​លោកជំទាវ​ ​សមាជិក​ក្រុមប្រឹក្សា​ខេត្ត​ ​មន្ទីរ​ ​អង្គភាព​នានា​ជុំវិញ​ខេត្ត​ ​ក្រុមការងារ​ចុះមូលដ្ឋាន​ស្រុក​ភ្នំស្រុក​ ​និង​ប្រជាពលរដ្ឋ​មក​ពី​ឃុំ​ទាំង​ ​៦​ ​ក្នុង​ស្រុក​ភ្នំស្រុក​ជាច្រើន​រូប​ទៀត​។​

​វេទិកា​នេះ​មាន​គោលបំណង​ ​គឺ​ដេីម្បី​ដោះស្រាយ​បញ្ហា​ ​ប្រឈម​នានា​ ​ដែលកើតមានឡើងនៅមូលដ្ឋាន​ ​និង​មាន​លទ្ធផល​រំពឹង​ទុក​ ​ដេីម្បី​ផ្សារភ្ជាប់​ទំនាក់ទំនង​រវាង​រដ្ឋាភិបាល​ជាមួយ​ប្រជាពលរដ្ឋ​ ​និង​សហការ​ជំរុញ​ ​លេី​ក​កម្ពស់​គណនេយ្យ​ភាព​របស់ក្រ​សួង​ ​ស្ថាប័ន​ ​និង​អាជ្ញាធរ​រដ្ឋបាល​ថ្នាក់ក្រោម​ជាតិ​ក្នុង​ការ​ផ្តល់​សេវា​សាធារណៈ​ ​និង​ការ​អភិវឌ្ឍ​នៅ​មូលដ្ឋាន​ឲ្យ​កាន់តែ​មានប្រសិទ្ធភាព​។​