ខេត្តបន្ទាយមានជ័យ៖ វេទិកាសាធារណៈ និងការចុះជួបប្រាស្រ័យដោយផ្ទាល់ជាមួយប្រជាពលរដ្
ឋនៅមូលដ្ឋានក្រុងសិរីសោភ័ណ
នាព្រឹកថ្ងៃចន្ទ ៦រោច ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២២ ខែកក្កដាឆ្នាំ២០១៩
ស្ថិតក្នុងភោជនីដ្ឋានស្ទឹងសែន រដ្ឋបាលខេត្តបន្ទាយមានជ័យបានរៀបចំវេទិកា សាធារណៈ និងការ
ចុះជួបប្រាស្រ័យដោយផ្ទាល់ជាមួយប្រជាពលរដ្ឋនៅមូលដ្ឋាន ក្រុងសិរីសោភ័ណ ខេត្តបន្ទាយមានជ័យ
ក្រោមអធិបតីភាព ឯកឧត្តម អ៊ុង អឿន ទីប្រឹក្សារាជរដ្ឋាភិបាល ឯកឧត្តម សឹម ណារ៉ា អគ្គនាយក
នៃក្រសួងឧស្សាហកម្ម និងសិប្បកម្ម ឯកឧត្តមខេង ស៊ុម ប្រធានក្រុមប្រឹក្សាខេត្ត ឯកឧត្តម អ៊ុំ រាត្រី
អភិបាល នៃគណៈអភិបាល ខេត្ត ឯកឧត្តម ហង្ស ស៊ីផា ទីប្រឹក្សាអាជ្ញាធរជាតិប្រយុទ្ធប្រឆាំងគ្រឿងញៀន
ព្រមទាំងមានការអញ្ជើញចូលរួមពីឯកឧត្តមលោកជំទាវ ក្រុមការងារ ថ្នាក់ខេត្តចុះមូលដ្ឋាន ក្រុងសិរីសោភ័ណ
និងប្រជាពលរដ្ឋមកពីសង្កាត់ទាំង ៧ ក្នុងក្រុងសិរីសោភ័ណជាច្រើនរូបទៀត។
វេទិកាសាធារណៈនេះមានគោលបំណងសំខាន់ៗចំនួន ៤គឺ
១-ផ្ដល់ព័ត៌មានដល់ប្រជាពលរដ្ឋអំពីកម្មវិធី និងយុទ្ធសាស្ត្រដំណាក់កាលទី ៤ ផែនការយុទ្ធសាស្ត្រ
អភិវឌ្ឍន៍ជាតិ គោលនយោបាយ និងកម្មវិធីកំណែទម្រង់ នានារបស់រាជរដ្ឋាភិបាលសំរាប់នីតិកាលទី
៦ នៃរដ្ឋសភា
២-ដើម្បីចុះបំពេញបេសកកម្មតាមមូលដ្ឋានខេត្ត សំដៅបន្តអនុវត្តកម្មវិធីខាងលើនេះប្រកបដោយ
សុវត្ថិភាពនៅគ្រប់មូលដ្ឋានទូទាំងខេត្ត
៣-លើកកម្ពស់ការដឹកនាំ សម្របសម្រួល គាំទ្រដល់រដ្ឋបាលថ្នាក់ក្រោមជាតិ ក្នុងការលើកកម្ពស់
ការផ្ដល់សេវា ការអភិវឌ្ឍមូលដ្ឋាន ការដោះស្រាយបញ្ហានានា ដើម្បីប្រជាពលរដ្ឋនៅមូលដ្ឋាន
៤-ក្នុងករណីមានបញ្ហាប្រឈមដែលមិនអាចដោះស្រាយបានក្រុមការងារថ្នាក់ជាតិចុះមូលដ្ឋាន
ខេត្តត្រូវជំរុញឲ្យក្រសួងស្ថាប័នពាក់ព័ន្ធធ្វើការដោះស្រាយ និងធ្វើការតាមដានត្រួតពិនិត្យអំពីលទ្ធផល
នៃការដោះស្រាយ ដើម្បីរាយការណ៍
ជូនរាជរដ្ឋាភិបាល។
